有關加登 V2.0 新版頁的開發

脂肪仔

大家好, 好多謝大家支持新加登!

你地現在見到既係加登 V2.0 (Beta) 介面。你地可能會諗點解好地地要搞一個新介面, 是咁的, 原來既加登係手機APP開發上既成本相對比較高, 所以開發團隊係傾過之後, 決定試用比較新既系統建立加登。而我地努力開發ios 同android既手機app, 希望到時可以方便到大家使用。而加登既方針都決定左, 大約係以下幾點。

1) 加登團隊希望加登可以作為一個香港人係加拿大落腳既交流平台, 呢個平台可以比大家分享係加拿大既大小事項, 包括生活, 新聞, 等等。

2) 加登作為一個平台, 希望可以慢慢為大家提供一D服務, 包活: 1) 宗教, 2) 置業/租屋, 3) 搵工/搞生意/買賣生意, 4) 介紹好既醫生, 5) 移民前既準備, 等等。

3) 加登可以比加拿大唔同既小商店登記, 而大家可以透過加登提供既 E- Coupon 拎著數。

4) 加登可以作為一個小店黃業, 等大家係食得開心, 又可以支持下小店, 如果小店有本事, 佢地可以用加登app上載自己既meun, 咁就唔使比uberEat食左30%。

5) 加登可以比大家分享係加拿大既活動, 可以比大家係加拿大都可以約埋一齊打波, 釣魚, 打獵, 滑雪等等。

---------------------------------------------------

以下係加登 V2.0 的一D問題

1) 如果你地有咩分頁想加, 可以係加登站務台留言。

2) 新既加登介面同功能上一個加登會減少好多不必要既功能, 以留返一D空間去加服務頁面。

3) 由於腦魔既版權問題, 我地問過律師團隊意見後, 暫時唔出住, 但大家放心, 我地已經搵左設計師畫新既腦魔3.0, 同新既加登stickies, 在手機app 完成後會一步步開放比大家。

4) 你地可以用返你地設定既ID登入加登, 以前用左中文名既你地可以用返, 但新既系統如果大家一開始可以改到中文就改啦, 個網名之後無得改的~ (我地會係以後既版本試下比大家自行改名, 但現時系統未支持。)

5) 我係加登拎過黎的post都亂碼, 我地會慢慢修改反, 如果有人想幫手, 我可以offer幾個人做版主幫手睇場。

6) 有咩bug, 請係站務台留言

7) 對介面有意見, 係我地開發其間, 都可以係站務台留言。

8) 大家如果未驗証你地既電郵, 你地會出唔到post, 但回到post (P牌系統), 但如果地驗証左你地既電郵, 咁就功能正常。

9) 會員之間理應係睇唔到任何會員既個人資料/電郵, 如果你地發現睇到, 請同版主/金版主/站長回報。

10) 請大家try try 新既標籤系統。

最後, 希望可以係加拿大見到大家。