五張非五大銀行無年費信用卡

Ryu

Simplii Financial Cash Back Visa

Simplii Financial 係CIBC旗下嘅免費網上銀行，暫時只有一張Visa card發行。

無年費。卡上消費部分：餐廳消費4%回贈（每年限$5000餐廳消費）；油站/買餸/藥房/繳付賬單部分1.5%回贈（每年的前$15000相關消費）；其他消費0.5%回贈。卡上有Purchase Security和Extended Warranty保險。目前申請頭4個月餐廳消費可以得到10%回贈（最多 $500消費）。

無年費卡嚟講呢張係餐廳消費比較有優勢。

PC Financial MasterCard

PC Financial係加拿大最大零售集團Loblaws旗下嘅財務機構，以前係同CIBC合資，直至2017年分家後由Loblaws自己營運信用卡部份，網上銀行部份就變成CIBC旗下嘅Simplii Financial。 PC Financial嘅信用卡並唔係用Cash Back回贈，而係用PC Optimum Points，亦即係Loblaws旗下超市嘅積分系統，可以用分數直接購物，每1000PC Points可以換成$10。

PC Financial 三張卡都無年費，消費$1有10分，可以考慮成1%回贈。

PC Financial MasterCard:

無年費。在pctravel.ca消費$1得20 PC points (相當於2%)，Esso/Mobil入油每1升得30 PC points (等於3 cents)，其他所有消費$1得10 PC points (相當於1%)。有購物損失保險同保養期延長。

PC Financial World MasterCard：

在pctravel.ca/PC mobile/Loblaws旗下店消費$1得20 PC points (相當於2%)，Esso/Mobil入油每1升得30 PC points (等於3 cents)，其他所有消費$1得10 PC points (相當於1%)。申請要求個人年收入6萬，或家庭年收入10萬。有購物損失保險同保養期延長。

PC Financial World Elite MasterCard：

2015年9月新推出，係加拿大第一張完全沒有任何年費的WEMC。在pctravel.ca/PC mobile/Loblaws旗下店/Shoppers Drug Mart/Pharmaprix消費$1得30 PC points (相當於3%)，Esso/Mobil入油每1升得up to 30 PC points 。卡上自帶10天的省外旅行醫療保險和租車險（保險少了些，但考慮到無年費，還是不錯的）。申請要求個人年收入8萬，或家庭年收入15萬。有購物失保險、保養期延長同租車保險。

Loblaws旗下嘅超市、藥房遍佈加拿大各省大小城鎮，幾乎一定會去到。如果你經常會去Esso或Mobil入油更加係必備。作為無年費卡可以考慮持有。

Canadian Tire Triangle MasterCard

呢張卡由大型連鎖店Canadian Tire旗下嘅Canadian Tire Financial Services發行。同PC卡類似，CT卡嘅回贈可以係Canadian tire集團當現金用。CT卡特別之處在可以用佢嘅網上系統網上繳付帳單賺取回贈。

Triangle MasterCard：

前身為Canadian Tire Options MasterCard。無年費，在Grocery買餸可得1.5%回贈（最多每年 每年$12000買餸消費，Walmart同Costco唔計grocery）。Canadian Tire旗下商店裡面（包括網店）消費4%回贈(注意呢個回贈係計稅前消費)，一次消費超過$200可無息分期付款。在Canadian Tire 同Husky入油每公升油可得5 cents cash back，其他地方消費可得0.8%回報。

Triangle World Elite MasterCard：

無年費，Grocery買餸可得3%回贈，Canadian Tire旗下商店同樣4%回贈，Canadian Tire 同Husky入油每公升油可得5 cents回贈，Premium gas 7 cents。其他地方消費可得1%回報。另外有免費Road side assistance、租車保險、90日保養期延長。個人年收入要求8萬。

呢張上日常費回贈較低，但如果你有車、經常會去canadian tire購物可以考慮申請。如果合資格申請World elite卡值得申請，因為價值$100嘅roadside assistance已經係超值。

Tangerine Money-Back MasterCard

Tangerine 係Scotia Bank旗下嘅免費網上銀行，類似cibc嘅Simplii。Money-Back Credit Card特別可以自選多達3個2%回贈嘅消費類別，Cash back直接轉入你Tangerine戶口。

無年費，你可以選擇2種消費類型得到2% Cash back，其他購物為0.5% cash back，Cash back沒有上限，會在每月月底自動支付。

如果你選擇將卡上的Cash Back存到Tangerine Savings Account，你可以選擇第三個消費類型得到2% cash back。你可以隨時修改你選的2%消費類型，不過修改只會係目前消費類型生效嘅90天後的第一個statement時開始。

2% Cash Bank 類別

Grocery, Furniture, Restaurants, Hotel-Motel, Gas, Recurring Bill Payments, Drug Store, Home Improvement, Entertainment, Public Transportation and Parking

SimplyCash Card from American Express

American Express係加拿大嘅接受程度唔算好高，大部份亞洲人商店都唔收amex。如果新移民有打算日後申請其他amex卡，可以首先申請呢張無年費卡，日後可能會比較容易申請其他卡。

無年費，Welcome bonus 頭3個月2.5% cash back，之後1.25% cash back。隨卡有旅遊保險、購物保障等。